Reshford yangi mavsum startini o'tkazib yuboradi

Angliya terma jamoasi va «Manchester Yunayted» hujumchisi Markus Reshford yaqinda elkasidan operatsiya qilinadi. Shu tufayli Markus keyingi mavsum startini o'tkazib yuborishi kutilmoqda. Bu haqda Britaniya matbuoti xabar beradi.

Manbada aytilishicha, Markus anchadan beri elkasidan xavotirda edi, ammo operatsiya shoshilinch bo'lmaganligi sababli uni kechiktirib yurgan. Evropa chempionati o'z nihoyasiga etgandan so'ng Markusning operatsiya qilinish vaqti keldi.

Eslatib o'tamiz, Angliya Evro finalida Italiyaga penaltilar seriyasida yutqazib qo'ydi. Reshford ushbu penaltilardan birini aniq amalga oshira olmagan.