"Napoli" himoyachisining "MYu"ga o'tishi mumkinligi haqidagi gaplarga agenti izoh berdi

"Napoli" himoyachisi Jovanni di Lorentsoning agenti Mario Guffreddi futbolchini "Manchester Yunayted"ga o'tishi mumkinligi haqidagi gaplarga izoh berdi.

Guffreddining so'zlariga ko'ra, agar jiddiy taklif bo'lsa, futbolchi taklifni ko'rib chiqadi, chunki "Napoli" prezidenti Aurelio de Laurentis futbolchini transferga qo'ygan. Hozirda futbolchiga "Manchester Yunayted"dan takliflar yo'q. Agent bu haqda Marte radiosiga bergan interyusida aytib o'tdi.

Jovanni di Lorentso Italiya futbolining uchinchi divizionidagi "Empoli" va "Matera" klublarida o'ynagan, 2019-yilda "Napoli"ga o'tgan. Umuman olganda, futbolchi "Napoli" safida 95 ta o'yin o'tkazib, 7 ta gol urdi va 15ta golli pas berdi.