Evro-2020ning eng yaxshi futbolchisi ertaga Parijga uchib ketadi

Darvozabon Janluiji Donnarumma PSJ bilan shartnoma imzolashga yaqin turibdi.

Jurnalist Muhammad Buxafsiyning xabar berishicha, 22 yoshli darvozabon frantsuz klubi bilan shartnoma imzolash uchun ertaga Parijga uchib ketadi.

Ta'kidlanishicha, Donnarumma bir kunni Parijda o'tkazadi, murabbiylar shtabi va futbolchilar bilan tanishadi, so'ngra bir necha kun dam oladi.

Eslatib o'tamiz, Donnarumma «Milan»ni erkin agent sifatida tark etdi, futbolchi yangi shartnoma shartlarida «rossonerilar» bilan kelisha olmadi.

Avvalroq, Donnarumma Evro-2020 turnirining eng yaxshi futbolchisi sovriniga ega bo'lgan edi.