Goal.com tuzgan Evro-2020 ramziy jamoasidan Ronalduga joy topilmadi

Goal.com nashri yakuniga etgan Evropa chempionatining ramziy jamoasini tuzib chiqdi.

Musobaqa chempioni Italiya terma jamoasining birdaniga 6 nafar o'yinchisi ushbu jamoadan o'rin olgan bo'lsa, finalchi Angliyadan faqat bir futbolchi ramziy jamoaga kiritildi.

Turnirning eng yaxshi to'purari Krishtianu Ronalduga esa ramziy jamoadan joy topilmadi.

Evro-2020 ramziy jamoasi:

Darvozabon: Janluidji Donnarumma (Italiya);

Himoyachilar: Yoakim Mele (Daniya), Leonardo Bonuchchi, Jorjo Kellini, Leonardo Spinatstsola (barchasi — Italiya);

Yarim himoyachilar: Per-Emil Xeyberg (Daniya), Jorjino, Federiko Keza (ikkisi — Italiya), Pedri (Ispaniya), Rahim Sterling (Angliya);

Hujumchi: Patrik Shik (Chexiya).