Jorjino — bunday natija qayd etgan futbol tarixidagi 10-o'yinchi

Italiya terma jamoasi safida Evro-2020 g'olibiga aylangan yarim himoyachi Jorjino futbol tarixida kam uchraydigan natijani qayd etdi.

"Chelsi" futbolchisi bir mavsumda ham Evropa chempionati, ham Chempionlar ligasi (Chempionlar kubogi)da g'olib chiqqan 10-o'yinchiga aylandi.

Avvalroq bu natijani quyidagi futbolchilar qayd etishgan edi:

2016 yilda — Krishtianu Ronaldu, Pepe («Real» va Portugaliya terma jamoasi);

2012 yilda — Fernando Torres, Xuan Mata («Chelsi» va Ispaniya terma jamoasi);

1988 yilda — Xans van Brekelen, Ronald Kuman, Berri van Arle, Gerald Vanenburg (PSV va Niderlandiya terma jamoasi);

1964 yilda — Luis Suares Miramontes («Inter» va Ispaniya terma jamoasi).