Keyn: "2018-yilgi JCh bizga saboq bo'lgan"

Futbol bo'yicha Angliya terma jamoasi sardori Harri Keyn Italiyaga qarshi bo'lib o'tadigan Evro-2020 finali haqida fikr bildirdi. Bu haqda UEFA rasmiy sayti xabar qildi.
Hujumchi jamoadagilarning o'ziga bo'lgan ishonchi yuqori ekanini ta'kidladi.

«Rossiyadagi 2018 yilgi Jahon chempionati bizga yaxshigina dars bo'lgan. O'ylaymanki, biz bu darsni yaxshi o'zlashtirganmiz. O'zimizga bo'lgan ishonchni his qilyapmiz. Bizda bunday o'yinlar uchun etarlicha mahorat bor», — dedi Keyn.

Eslatib o'tamiz, Italiya va Angliya o'rtasidagi Evropa chempionatining final o'yini 11 iyul kuni Toshkent vaqti bilan soat 23:59 da boshlanadi. Uchrashuv «UzReportTV» telekanali orqali translyatsiya qilinadi.