"Paxtakor"ning Superligadagi ko'rsatkichlari

"Sherlar" Superligada yozgi tanaffusga yaqqol peshqadamlik bilan chiqib ketishdi.

Klub joriy mavsumda Superligada hali mag'lubiyatga uchramagan yagona klub bo'lib turibdi. O'tkazilgan 12 o'yinning 10tasida zafar quchgan "Paxtakor" ikki marta durang o'ynadi. Raqib darvozasiga eng ko'p gol urilgan - 25ta. Darvozamizdan esa eng kam to'p o'tkazib yuborilgan - 6ta. Jami 7 bellashuvda darvozamizga raqiblar gol ura olmagan.

O'z maydonida va safarda o'tgan 6tadan bahsning 5tasida g'alaba qozongan "Sherlar" bittadan durang qayd etishgan. "Paxtakor" uyda va safarda eng ko'p ochko yig'ishga erishgan.

Superligada hozirgacha 23 nafar futbolchi maydonga tushirilgan. Raqib darvozasiga urilgan 26 golni jamoamizdan 9 nafar o'yinchi kiritgan. Dragan Cheran hisobiga 7 gol yozilgan bo'lsa, Sherzod Temirov hisobida 4 to'p mavjud.