«Yuventus» Evro-2020 finalidan so'ng Kellini bilan yangi shartnoma imzolaydi

Turinning «Yuventus» klubi Evropa chempionati final uchrashuvidan so'ng himoyachi Jorjo Kellini bilan yangi shartnoma imzolaydi. Bu haqda futbol insayderi Fabritsio Romano xabar berdi.

Italiyalik 36 yoshli markaziy himoyachi 1 iyuldan beri erkin agent hisoblanadi. Uning turinliklar bilan amaldagi shartnoma muddati nihoyasiga etgan. Tomonlar shartnoma bo'yicha kelishuvga erishgan. Yangi shartnoma Jorjo Kellini ishtirok etadigan Italiya–Angliya o'rtasidagi Evropa chempionati finalidan so'ng imzolanadi.

Ma'lumot o'rnida, Kelini 2005/06 yilgi mavsumdna beri «keksa senoralar» tarkibida faoliyat yuritib keladi.