Kamara xizmatlariga ingliz klubi qiziqish bildirmoqda

Angliyaning «Nyukasl» klubi «Marsel» yarim himoyachisi Bubakara Kamara xizmatlariga qiziqish bildirmoqda.

Bu haqda Britaniya matbuoti xabar beradi. Inglizlar futbolchi uchun 15 million evro to'lashga tayyor.

Kamaraning transfer qiymati 37 million evroni tashkil qiladi. Biroq, futbolchi frantsuz klubi bilan shartnomasining so'nggi yilini o'tamoqda.

Avvalroq Kamaraning xizmatlariga «Liverpul» va «Manchester Siti» ham qiziqish bildirayotgani haqida xabar berilgan edi.