Buffon: «Angliyaga qarshi o'yin og'ir bo'ladi»

«Parma» darvozaboni Janluidji Buffon Evro-2020 finalida bo'lib o'tadigan Italiya va Angliya terma jamoalari o'rtasidagi bahs oldidan o'z fikrini bildirib o'tdi.

«Italiya uchun juda qiyin o'yin bo'ladi. Angliya tarkibida ajoyib o'yinchilar ko'p. Ammo bu holat meni xavotirga solmaydi. Chunki, bosim asosan maydon egalariga tushadi. Angliya o'z uyida, o'z muxlislari qarshisida o'ynaydi. Shu bois, ular bu uchrashuv orqali Italiyaga nisbatan ko'proq narsa yo'qotishlari mumkin.

Birinchi golni urib olish muhim ahamiyatga ega, ko'p narsa uchrashuvning dastlabki daqiqalariga bog'liq.

O'ylashimcha, Italiya g'alaba qozonadi. Ammo Angliyaning mudofaasini inobatga olganda, qiyin bo'ladi. Shuningdek, bunday darajadagi o'yinlarda hamisha asablar rol o'ynaydi. Kim xotirjamroq bo'lsa, o'sha musobaqada g'olib chiqishi mumkin. Men shunday hisoblayman.

Italiya Evrodagi g'alabani uzoq kutdi. Men 2012 yilgi finalda yutqazgandim. Odmasizlik seriyasi yakunlanadi, deb umid qilaman», – dedi Buffon.