«Milan» xorvatiyalik futbolchiga rasmiy taklif yuborgan

Italiyaning «Milan» klubi TsSKA yarimhimoyachisi Nikola Vlashichni ijaraga olmoqchi. Bu haqda insayder Nobel Arustamyan xabar beradi.

Ma'lum bo'lishicha, xorvatiyalik futbolchi uchun moskvaliklar bilan to'g'ridan-to'g'ri bog'langan yagona klub - bu «Milan». Milanliklar Vlashichning Evrodagi o'yinidan qoniqish hosil qilishgani aytilmoqda. Ayni paytda klub Xoqon Chalxano'g'luga o'rinbosar izlamoqda.

Eslatib o'tamiz, Vlashich RPLning o'tgan mavsumida 26 uchrashuv o'tkazgan va ularda 11 ta gol urgan va 5 ta golli uzatmani amalga oshirgan.