«Arsenal» «Benfika» futbolchisi bilan shartnoma imzoladi

«Arsenal» «Benfika»ning chap qanot himoyachisi Nunu Tavaresh bilan shartnoma imzoladi.

Bu haqda London klubining rasmiy sayti xabar bermoqda. Ma'lum bo'lishicha, futbolchi «kanonirlar» bilan uzoq muddatli shartnoma tuzgan.

Hozircha «Benfika» va «Arsenal» o'rtasidagi kelishuv miqdori oshkor qilinmadi. Transfermarkt 21 yoshli Tavareshni 7 million evroga baholamoqda.

O'tgan mavsumda portugaliyalik futbolchi 25 ta o'yin o'tkazib, 3 ta golli uzatmani amalga oshirdi.