Italiya jang maydoniga etib keldi

Italiya terma jamoasi 2020 yilgi Evropa chempionati finali uchun London shahriga etib keldi. Bu haqda UEFA matbuot xizmati xabar beradi.

E'tiborlisi, kelganlar orasida Leonardo Spinatstsola ham bor. Eslatib o'tamiz, Leonardo Belgiya bilan to'qnashuvda jiddiy jarohat olgan edi. Hozirda u qo'ltiqtayoq bilan harakat qilmoqda.

Ma'lumot uchun, Evro finalida italyanlar Angliyaga qarshi to'qnash kelishadi. Uchrashuv 11 iyulda o'tkaziladi.