Braziliya Messiga qarshi qanday o'ynamoqchi? Murabbiy javob berdiyo

Braziliya terma jamoasi bosh murabbiyi Tite Amerika kubogi finali doirasida Argentinaga qarshi bo'ladigan o'yin oldidan o'z fikrini bildirib o'tdi.

"Messiga qarshi qanday o'ynashni bilaman, ammo buni aytmayman. Agar argentinaliklar Neymarga qarshi qanday o'ynamoqchi ekanliklarini aytishsa, men Messini qay tarzda ta'qib qilishimiz sirini oshkor qilaman.

Jahon futbolining ikki kumiri finalda to'qnash kelishadi. Messi va Neymar haqida gapirsak, demak, mukammallik, mahorat, texnika, jismoniy, ruhiy ustunlik hamda ijodkorlik haqida gap ketadi. Bizni ajoyib shou kutmoqda", – dedi mutaxassis.