Kopa Amerika. Kolumbiya so'nggi daqiqalarda Peruni mag'lub etib, 3-o'rinni egalladi

Amerika kubogida bugun 3-o'rin uchun o'yin bo'lib o'tdi. Kolumbiya terma jamoasi Peru ustidan qiyin g'alabaga erishdi.

Birinchi bo'limda peruliklar ajoyib o'yin ko'rsatib, yaratilgan 3ta vaziyatning bittasidan unumli foydalanishdi. Kolumbiyaliklar esa ikkinchi bo'limda 2ta gol urib, oldinga o'tib olishdi. Bahs tugashiga 8 daqiqa qolganida Peru muvozanatni tiklashdi. Uchrashuvga qo'shib berilgan 4-daqiqada esa Luis Dias g'alaba to'pini kiritish bilan birga, o'yinda dublni rasmiylashtirdi.

Kolumbiya terma jamoasi o'z tarixida beshinchi marta (1987, 1993, 1995 va 2016) Kopa Amerikaning bronza medalini qo'lga kiritdi.

Musobaqa finalida Argentina va Braziliya terma jamoalari to'qnash kelishadi. O'yin erta tongda bo'lib o'tadi.

Amerika kubogi, 3-o'rin uchun o'yin
Kolumbiya – Peru 3:2 (0:1, 3:1)
Gollar: 0:1 – 45 Yotun, 1:1 – 49 Kuadrado, 2:1 – 66 Dias, 2:2 – 82 Lapadula, 3:2 – 90 Dias.
Kolumbiya – Vargas, Medina, Mina (Sanches, 55), Murilo, Tesilo, Kuadrado, Barrios (Muriel, 90), Kuelyar (Borre, 83), Dias, Kardona (Chara, 46), Sapata (Borxa, 55).
Peru – Galese, Korso (Lora, 78), Santamariya, Kalens, Lopes, Tapiya (Kartaxena, 24), Yotun, Karrilo, Penya (Ormeno, 78), Kueva (Garsiya, 69), Lapadula.
Ogohlantirishlar: Kardona (45), Kueva (50), Barrios (62), Karrilo (63), Murilo (87).