Neymar: «Oltin to'p»ni olmaganim meni xavotirga solmaydi»

Frantsiyaning «PSJ» klubi va Braziliya terma jamoasining 29 yoshli hujumchisi Neymar haligacha «Oltin to'p»ni qo'lga kiritmaganligi haqida fikr bildirdi.

«Oltin to'p» faoliyatim davomida menga hamroh bo'lgan. Odamlar mening profilimga yozadilar: «Neymar «Oltin to'p»ni yutishi kerak. U bunga loyiq». Bu sodir bo'ladimi, yoki yo'qmi, ammo bu meni bezovta qilmaydi.

Men g'alaba qozonmoqchiman: «PSJ» va Braziliya terma jamoasi bilan chempion bo'lishni xohlayman. Shaxsiy mukofotlar chiroyli, ajoyib, ular mening javonimda turadi, lekin bu maqsad emas», - deya Neymarning so'zlarini keltiradi «O Globo» nashri.