Buni hech kim payqamadi: Daniya termasi Angliya bilan qo'shimcha taymlarda bir kishi kam o'ynadi

Daniya terma jamoasi Evro-2020 yarim final bahsida 105-daqiqadan boshlab maydonda bir kishi kam bo'lib o'ynadi. Biroq buni hech kim payqamadi.

Gap shundaki, Matias Yensen ikkinchi qo'shimcha bo'limda maydonga chiqmadi. Futbolchi birinchi qo'shimcha taym so'ngida jarohat oldiyu, ikkinchi ekstra-taymda maydonga qaytmadi.

Yarim himoyachining maydonga qaytishmga shifokorlar ruxsat bermadi. Daniya bosh murabbiyi Kasper Xyulmand asosiy vaqtda 5 ta almashtirishni amalga oshirgan edi va qo'shimcha vaqtda Yensen jarohat olishidan bir necha soniya oldin oltinchi almashtirishni ham amalga oshirib ulgurgandi.

Bu yo'qotish daniyaliklarni butunlay sindirib tashladi. Ular qo'shimcha taymlarning ikkinchisida raqib jarima maydoni atrofida bor-yo'g'i bir necha marta ko'rinish berishdi. Ammo ular endi o'yin oqimini o'zgartira oladigan vaziyatda emas edilar.

Manba: ua-football.com