Mata yozda "MYu"ni tark etishi mumkin bo'lganligini ma'lum qildi

"Manchester Yunayted" yarim himoyachisi Xuan Mata yozda boshqa klubga o'tishi mumkin bo'lganligini aytdi. Eslatib o'tamiz, bir hafta oldin ispaniyalik "qizil iblislar" bilan shartnomasini keyingi mavsum oxirigacha uzaytirgandi.

"Albatta, menga boshqa klublardan qo'ng'iroqlar bo'lgan. Bunday paytlarda siz o'zingizning faoliyatingizdagi yangi bosqich haqida o'ylay boshlaysiz. Ammo menimcha, hali ketish vaqti kelmagan. Men shu jamoada o'ynay olishimga ishonaman. ", - dedi futbolchi klub matbuot xizmatiga

Mata 2014 yil yanvaridan buyon "Manchester Yunayted" tarkibida o'ynab, 273 uchrashuv o'tkazdi, 51 gol urdi va 47 golga uzatma berdi. Oldinroq yarim himoyachi "Valensiya", "Latsio" yoki "Roma"ga o'tishi mumkinligi haqida xabar berilgan edi.