Sesk Fabregas Lionel Messini "Barselona"da qolishiga ishonmoqda

"Barselona" sobiq futbolchisi Sesk Fabregas ayni damda erkin agent bo'lgan Lionel Messini "Barselona"da o'ynashda davom etishiga ishonayotganini aytib o'tdi.

"Messi xohlagancha har qanday tarkibda muhim o'yinchi bo'lishi mumkin. U barcha kerakli fazilatlarga ega, u o'zini va sog'lig'ini asrab-avaylaydi. Menimcha Leo kamida yana bir necha yilni "Barsa"da o'tkazadi. Men uni "Barselona"da qolishiga ishonaman. Bu uning uyi, uning qismi. Bu erda u 12 yoshidan beri o'ynaydi", - deydi Fabregas.

Eslatib o'tamiz, Messi 30-iyun kuni erkin agentga aylangan. Hozircha "Barselona" hujumchi bilan yangi shartnoma borasida kelisha olmayapti.