Mourino «Roma»ga kerak bo'lmagan futbolchilar ro'yxatini tuzdi

Rimning «Roma» klubi bosh murabbiyi Joze Mourino yangi mavsumda jamoaga kerak bo'lmaydigan futbolchilar ro'yxatini tuzib chiqdi. Bu haqda rimliklarning tvitterdagi rasmiy sahifasida xabar berilgan. Bular Pedro, Xaver Pastore, Stiven N’Zonzi, Jastin Klyuyvert, Vilyam Bianda, Ante Chorich, Davide Santon va Federiko Fasio.

OAV xabarlariga ko'ra, yuqoridagi futbolchilar «bo'rilar» ustozi Joze Mourinoning rejalariga kiritilmagan. Ehtimol, «Roma» transferlar mavsumida mazkur futbolchilarni sotib yuborishi mumkin.