Van Gal eski kursisiga qaytishi mumkin

Gollandiya terma jamoasining sobiq bosh murabbiyi Lui van Gal yana jamoani boshqarishi mumkin, deb xabar bermoqda Gollandiyaning AD nashri.

Ayni paytda mamlakat futbol ittifoqi Frank de Bur ketgach, ushbu lavozimga yangi murabbiy izlamoqda. Bu erda Van Galga eng yaxshi nomzodlardan biri sifatida qaralmoqda.

Mutaxassis avval Niderlandiya terma jamoasini boshqarganidan xabaringiz bor: 2000-2001 va 2012-2014 yillarda. Uning qo'l ostida «to'q sariqlar» JCh-2014 yarim finaliga chiqqan edilar.

Van Gal 2016 yildan beri hech qaysi jamoaga murabbiylik qilmayapti. Mutaxassisning so'nggi ish joyi «Manchester Yunayted» edi.