Felipe Anderson sobiq klubiga qaytishi mumkin

Londonning «Vest Xem» klubi xavbeki Felipe Anderson «Latsio»ga qaytishi mumkin. Tomonlar bu borada muzokara olib borishmoqda.

Braziliyalik futbolchi uch yil oldin «Vest Xem»ga 36 million funt evaziga kelib qo'shilgan edi. U o'tgan mavsumni «Portu»da ijara asosida o'tkazgan, ammo atigi besh marta maydonga tushdi xolos.

Italiyaning nashrlari xabariga ko'ra, «Latsio» futbolchi uchun 3 million evro to'laydi va «Vest Xem» 28 yoshli futbolchining keyingi transferidan 50% miqdorida mablag' talab qilishga haqli bo'ladi.