Babayan «Navbahor» bosh murabbiyi bo'lishi mumkin

O'zbekiston terma jamaosi va Toshkentning «Paxtakor» klubi sobiq bosh murabbiyi Samvel Babayan Namanganning «Navbahor» klubida ish boshlashi mumkin. Bu haqida «Insayder» telegram kanali xabar tarqatmoqda. 

Manbada keltirilishicha, kecha murabbiy va klub o'rtasida muzokaralarlar bo'lib o'tgan va Samvel Babayan «Navbahor» rahbariyati va Namangan viloyat hokimidan taklifni o'ylab ko'rishga 1-2 kun vaqt olgan.

Bugun yo ertaga Babayan aniq qarorini aytishi kutilmoqda.

Shuningdek, aytilishicha, Babayan xorij klublarining biridan ham taklif kutayapti. Biroq xorijga ketishi cho'zilayotgani uchun yakuniy qaror «Navbahor» foydasiga hal bo'lish ehtimoli ham yo'q emas. Ammo Babayan so'nggi 1 yillikda xorijga ketish niyatida o'zbek jamoalarining bir qancha takliflarini rad etgan.

Babayan «Navbahor» bosh murabbiyiga aylanadimi yoki yo'q buni yaqin vaqtlar ichida rasmiy xabar yo jimlik orqali bilib qolamiz, deb qo'shimcha qilinadi telegram kanalda.