"Vilyarreal" Karlos Bakka bilan o'zaro shartnomani bekor qildi

"Vilyarreal" matbuot xizmati rasmiy veb-saytida kolumbiyalik hujumchi Karlos Bakkaning ketishini e'lon qildi.

Tomonlar 2022-yilning yozigacha amal qilgan shartnomani muddatidan oldin bekor qilishga kelishib oldilar. Shunday qilib, forvard erkin agentga aylandi va boshqa klubga tekinga o'tishi mumkin.

Kolumbiyalik 34 yoshli Bakka 2017-yildan buyon "Vilyarreal"da o'ynab kelmoqda. Hammasi bo'lib u klub safida 145 uchrashuv o'tkazgan va 43 gol urgan. Oldin u "Atletiko Xunior", "BarranKilla", "Minerven", "Bryugge", "Sevilya" va "Milan" jamoalarida o'ynagan edi.