Pikford Angliya terma jamoasi rekordchisiga aylandi

Darvozabon Jordan Pikford Angliya terma jamoasi tarkibida eng uzun "quruq" seriya bo'yicha rekordini o'rnatdi. "Uch sherlar"ning sobiq kiperi Gordon Benksning 1966 yilda 720 daqiqa davomida o'z darvozasi dahlsizligini saqlab qolgan edi. Pikford esa 721 daqiqa mobaynida "quruq" seriya qayd etdi.
Eslatib o'tamiz, Angliya terma jamoasi Evro-2020 musobaqasida 5 uchrashuvda o'z darvozasidan to'p o'tkazib yubormay, o'ziga hos natija qayd etib kelayotgan edi. Ammo, bugun Daniyaga qarshi o'yinda Mikkel Damsgor jarima zarbadan Pikfordning mazkur natijasiga yakun yasadi.