«Vilyarreal» hujumchisi jamoani tark etadi

Ispaniyaning «Vilyarreal» klubi matbuot xizmati hujumchi Karlos Bakka jamoani tark etishini ma'lum qildi. Ikkala tomon o'zaro kelishgan holda shartnomani uzaytirmaslikka qaror qilishdi.

Kolumbiyalik futbolchi «Vilyarreal» tarkibida to'rt mavsum davomida harakat qildi. Bakka «sariq suvosti kemasi»da 145 ta o'yin o'tkazib, 43 ta gol urgan.

U klub to'purarlari ro'yxatida sakkizinchi o'rinni egallab turibdi.