Amerika kubogi finali oldidan Braziliyada jiddiy yo'qotish bor

Braziliya terma jamoasi forvardi Gabrieel Jezus Amerika kubogi finalini o'tkazib yuboradi. Hujumchi Chili terma jamoasiga qarshi chorak final uchrashuvida (1:0) qizil kartochka oldi. Janubiy Amerika futbol konfederatsiyasi (KONMEBOL) qo'pol qoidabuzarlik uchun futbolchini 2 o'yinga diskvalifikatsiya qildi.

Jezus Peruga qarshi yarim final uchrashuvini ham o'tkazib yuborgandi (1:0). O'yin 11 iyulga o'tar kechasi bo'lib o'tadi.