Ingz klubini tark etishga yaqin turibdi, uning uchun eng maqbul variant qaysi?

Taniqli manbaning ta'kidlashicha, Denni Ingz yaqin orada «Sautgempton»ni tark etishi mumkin.

Futbolchi yozda top klubga o'tishni istaydi. Oldinroq u «avliyolar» bilan kelishuvni uzaytirish bo'yicha bir qator takliflarni rad etgandi.

Bu yo'lda «Liverpul» Denniga asosiy da'vogar hisoblanadi. Boisi «qizillar» 2019 yilda futbolchini sotgan paytlari uning keyingi ulushidan 20% qismini o'zlariga olishlari mumkinligi to'g'risida kelishib olishgan edi.

Shu sababli Ingz har tomonlama mersisaydliklar uchun maqbul variant bo'lib turibdi. 

Ma'lumot uchun, hujumchining «Sautgempton» bilan shartnomasi tugashiga bir yil qolgan.