Keza: "Lokatelli birinchi penaltini urolmagan bo'lsa ham hamma xotirjam edi"

Italiya futbolchisi Federiko Keza Ispaniya terma jamoasi bilan o'yindan so'ng intervyu berdi. Italiya penaltilar seriyasida ispanlarni mag'lubiyatga uchratdi va Evropa chempionati finaliga yo'l oldi.

“Men his-tuyg'ularimni so'z bilan tasvirlab berolmayman. Bu qiyin o'yin edi. Ispaniya juda zo'r edi, lekin biz bu erga 11-iyul kuni final o'yiniga chiqish uchun kelgandik. Shunga qaramay, ispanlar ajoyib o'yin ko'rsatdi, ammo biz oxirigacha kurashdik va g'alaba qozonishga muvaffaq bo'ldik. Lokatelli birinchi penaltini urolmagan bo'lsa ham, hamma xotirjam edi, biz g'alaba qozonishimiz mumkinligini aytdik va yakunda bunga erishdik", - dedi Federiko.