Donnarumma: "Ispaniya juda yaxshi jamoa, ammo bizda jasorat hissi kuchli edi"

Italiya darvozaboni Janluiji Donnarumma Ispaniyaga qarshi yarim final uchrashuvidan so'ng intervbyu berdi. Italiya penaltilar seriyasida ispanlarni mag'lub etdi va Evro-2020 finaliga yo'l oldi.

"Penaltilar seriyasiga qadar xotirjam edim, chunki jamoaga yordam berishim mumkinligini bilardim. Barcha-barchaga minnatdorchilik bildirmoqchiman. Endi orzumizni ro'yobga chiqarishga atigi bir qadam qoldi. Ispaniya juda yaxshi jamoa, ammo bizda jasorat hissi kuchli edi​, biz hech qachon taslim bo'lmaymiz. Ispaniya terma jamoasi bugun bizga juda ko'p muammolarni tug'dirdi, ammo menimcha, biz finalga loyiq edik. Hozir u ana shunday ajoyib onlardan zavqlanishni xohlayman. ", dedi Donnarumma UEFA matbuot xizmatiga.