Amerika kubogi. Argentina Kolumbiyani penaltilar seriyasida mag'lub etib, finalga chiqdi (videosharh)

Amerika kubogi musobaqasida ikkinchi finalchining nomi aniq bo'ldi. Argentina terma jamoasi Kolumbiyaga qarshi bahsda qiyinchilik bilan g'alaba qozondi.

"Albiseleste" bahsning 7-daqiqasidayoq hisobni ochishga muvaffaq bo'ldi. Messining uzatmasidan keyin Lautaro Martines darvozani ishg'ol qildi.

Ikkinchi bo'limda esa kolumbiyalik Luis Dias Argentina posboni bilan yakkama-yakka vaziyatga chiqib, hisobni tenglashtirdi.

Qo'shib berilgan daqiqalarda argentinaliklar g'alaba to'pini kiritishlari mumkin edi. Dastlab Lautaroning zarbasidan keyin himoyachi bo'sh darvozaga kirayotgan to'pni qaytargan bo'lsa, keyinchalik Messining zarbasi ustunga tegib qaytdi.

Penaltilar seriyasida esa Argentina termasi posboni Emiliano Martines qahramonlik ko'rsatdi. U raqibning naq 3ta zarbasini qaytarishga muvaffaq bo'ldi. "Albiseleste" esa 4ta zarbaning 3tasini golga aylantirdi. Lionel Messi birinchi bo'lib zarbani amalga oshirib, o'z imkoniyatidan foydalandi.

Shu tariqa, Argentina qiyinchilik bilan finalga chiqdi. Lionel Skaloni jamoasiga Braziliya raqiblik qiladi.

Amerika kubogi, yarim final
Argentina – Kolumbiya 1:1 (1:0, 0:1, 0:0, 0:0), penaltilar seriyasi - 3:2
Gollar: 1:0 – 7 Martines, 1:1 – 61 Dias.
Argentina – Martines, Molina (Montiel, 46), Petstselya, Otamendi, Talyafiko, de Paul, Rodriges, Lo Chelso (Paredes, 56), Messi, Martines, Gonsales (Di Mariya, 67).
Kolumbiya – Ospina, Munos, Mina, Sanches, Tesilo (Fabra, 46), Kuadrado, Barrios, Kuelyar (Chara, 46), Dias, Borre (Kardona, 46), Sapata (Borxa, 60).
Ogohlantirishlar: Lo Chelso (21), Kuadrado (45), Fabra (55), Borxa (63), Montiel (72), Munos (75), Kardona (86), Rodriges (87), Barrios (88), Petstselya (90).

Penaltilar seriyasi
Lionel Messi, (1:1) — Xuan Kuadrado, (0:1)
Rodrigo De Paul, (1:1 - yuqori) — Davinson Sanches, (1:1 - darvozabon)
Leandro Paredes, (2:1) — Yerri Mina, (1:1 - darvozabon)
Lautaro Martines, (3:2) — Migel Borxa, (2:2)
— Edvin Kardona, (3:2 - darvozabon)