Argentina terma jamoasi sobiq himoyachisi A Seriyada ish boshlaydi

«Inter» va Argentina terma jamoasi sobiq himoyachisi Nikolas Burdisso «Fiorentina»ga ko'chib o'tdi. Bu haqda «binafshalar» matbuot xizmati xabar bermoqda.

Burdisso Florentsiyada klubning texnik direktori vazifasiga ko'tarildi. Ilgari u Argentinaning «Boka Xuniors» jamoasi sport direktori sifatida ishlagan edi.

E'tiborlisi, Burdisso futbolchilik faoliyatining ko'p qismini Italiyada o'tkazgan. U «Inter» dan tashqari «Roma», «Jenoa» va «Torino» klublari sharafini himoya qilgan.