«Jenoa» ukrainalik futbolchi transferini maqsad qilgan

Sky Sport Italia xabariga ko'ra, Italiyaning «Jenoa» klubi transfer bozorida hujum chizig'ini kuchaytirish yo'llarini izlamoqda.

Klub ayni damda «Dinamo» hujumchisi Vladislav Supryagaga e'tibor qaratgan. «Griffinlar» 21 yoshli ukrainalikning narxi borasida muzokaralar olib bormoqda. Shu o'rinda Italiyaning boshqa bir jamoasi «Torino» ham futbolchiga da'vogarlik qilib ko'radi.

O'tgan mavsumda Supryaga UPLning 17 uchrashuvida maydonga tushib, 2 ta gol va 1 ta golli pas bergan.