Patrisioning transferi deyarli tasdiqlandi

«Roma» va «Vulverxempton» darvozabon Rui Patrisioning transferi bo'yicha muzokaralarda kelishuvga erishdi. Bu haqda jurnalist Nikolo Skira xabar beradi.

Patrisio kelasi mavsumdan faoliyatini «Roma»da davom ettiradi. «Vulverxempton» o'z futbolchisini sotganligi uchun bonus sifatida 10 million evro ishlab olishi kutilmoqda.

Patrisioning transferi rasman darvozabon «Roma»da tibbiy ko'rikdan o'tgandan so'ng e'lon qilinadi.