"Napoli" italiyalik futbolchisi bilan kelishuvga erishdi

"Napoli" himoyachisi Jovanni Di Lorentso bilan yangi shartnoma borasida kelishuvga erishdi. Bu haqda nufuzli jurnalist Janluka Di Martsio xabar bermoqda.

Manbaning ma'lum qilishicha, futbolchining yangi shartnomasi 2026-yilga qadar amal qiladi. Di Lorentso Evro-2020 yakunlanganidan so'ng yangi shartnoma imzolashi kutilmoqda.

Ma'lumot uchun, ertaga Di Lorentso Italiya terma jamoasi bilan Evro-2020 yarim finalida Ispaniya terma jamoasiga qarshi o'ynaydi. O'yin Tshv bilan soat 00:00da bo'lib o'tadi.