Mertens operatsiyani boshidan o'tkazdi

Belgiya terma jamoasi va «Napoli» hujumchisi Dris Mertens chap elkasidan olgan jarohatidan so'ng operatsiya qilindi, deb xabar bermoqda klub matbuot xizmati.

Qayd etilishicha, futbolchi ayni damda shifokorlar nazorati ostida. Reabilitatsiya jarayoni 2-3 hafta davom etadi.

O'tgan mavsumda hujumchi A Seriyada «Napoli» tarkibida 29 ta o'yin o'tkazib, unda 9 ta gol urdi va 8 ta golli pas berdi.