"Arsenal"ning frantsuz futbolchisi London klubi bilan xayrlashdi

"Arsenal"ning frantsiyalik yarim himoyachisi Matteo Jenduzi London klubini tark etishini e'lon qildi.

"Men "Emireyts" stadioni, muxlislar va Londonni hech qachon unutmayman. "Arsenal"dagi vaqtni doimo eslayman. Men har doim mag'rurlik bilan klub libosini himoya qilishga intildim. Menga ishonganlarning barchasiga minnatdorchilik bildiraman. "Arsenal"ga jamoasiga eng yaxshilarini tilayman va men abadiy "to'pchilar" muxlisi bo'lib qolaman", - deydi Genduzi.

22 yoshli Genduzi "Arsenal" safida 2018-yildan beri o'ynab kelmoqda. Umuman, u barcha turnirlarda ingliz klubi tarkibida 82 o'yin o'tkazgan, bitta gol urgan va beshta golli uzatma bergan. O'tgan mavsumni u "Gerta"da ijarada o'tkazgan edi.