Messining boshqa chempionatga ketishi Ispaniya iqtisodiyoti uchun katta zarar

Lionel Messining "Barselona"ni tark etishi Ispaniya iqtisodiyoti uchun ham ancha zarar keltiradi, deya xabar bermoqda "Sport" nashri.

Manbaning ma'lum qilishicha, Messi Ispaniyada 120 ming aholi bilan bir xil miqdorda soliq to'laydi. Leo 2017 yildan beri jami miqdorda 370 million evro soliq to'lagan.

Eslatib o'tamiz, argentinalik iqtidor egasining "ko'k-anorranglilar" bilan shartnomasi o'z yakuniga etgan va u ayni damda erkin agent hisoblanadi.