«Bavariya»ning mavsum-2020/2021dagi eng yaxshi o'yinchisi aniqlandi

«Bavariya» klubi yakunlangan mavsumning eng yaxshi futbolchisini aniqlash maqsadida muxlislar o'rtasida so'rovnoma o'tkazdi.

So'rovnoma yakunlariga ko'ra, hujumchi Robert Levandovski jamoaning eng yaxshi o'yinchisi deb topildi. Unga muxlislarning 76,8 foizi ovoz berdi.

Ikkinchi pog'onani yarim himoyachi Tomas Myuller (10,3%) egallagan bo'lsa, uchinchi o'rinni yarim himoyachi Yozua Kimmix (6,9%) band etdi.

Levandovski mavsum-2020/2021da «Bavariya» safida barcha musobaqalar doirasida 40ta uchrashuvda maydonga tushib, 48ta gol urishga muvaffaq bo'ldi.