Oston O'runovning "Ufa"ga transferi nega o'xshamadi?

«Spartak» bosh direktori Evgeniy Melejikov yarim himoyachi Oston O'runovning kelajagi haqida gapirdi.

«O'runovning o'yinida o'sish bo'lmayotganini hisobga olsak, oldimizda Oston haqida qaror qabul qilish vazifasi turibdi. Ijaraga berish yoki sotish. O'runovga "Ufa"dan boshqa klub qiziqish bildirmayotgan edi. Biz ular bilan Ostonning transferi borasida kelishib oldik, ammo keyinchalik ufaliklar shartnomaga qo'shimchalar kiritishga harakat qilishdi va bish ushbu shartlarga tayyor emas edik. Ya'ni, ular shartnomada keltirilgan summani uchga bo'lib to'lashni taklif qildi. Ushbu mablag'ning birinchi qismi keyingi yilning fevral oyida bizning hisob raqamga o'tkazib beriladi.

Biz ularga beshga bo'lib to'lashni taklif qildik, lekin birinchisi shartnoma imzolangandan so'ng darhol, ikkinchisi esa dekabrda to'lab beriladi. Ular esa bizning taklifni rad etishdi», - dedi Melejikov SE nashriga bergan intervyusida.

20 yoshli o'zbekistonlik futbolchining "Spartak" bilan shartnomasi 2025 yilgacha mo'ljallangan. O'tgan mavsumnining ikkinchi qismini "Ufa" safida ijarada o'tkazgan Oston 10 uchrashuv o'tkazdi va 1 golli pasni amalga oshirdi.