«Real» Varanni sotishga tayyor, klubi ham deyarli aniq

Madridning «Real» klubi himoyachi Rafael Varanni «Manchester Yunayted»ga sotishga tayyor.

Bu haqda Britaniya matbuoti xabar bermoqda. «Qaymoqranglilar» futbolchi transferidan 50 million evro ishlab olmoqchi. Biroq MYuning boshqa rejasi ham mavjud.

Gap shundaki, «mankunianlar» gollandiyalik yarimhimoyachi Donni van de Bekni Varan bilan alishmoqchi. Reja bo'yicha Madrid klubi futbolchini ijaraga olishi kerak va, ehtimol, uni mavsum oxirida sotib olishi mumkin.