«Liverpul» markaziy yarimhimoyachi izlashda davom etadi

Angliyaning «Liverpul» klubi «Inter» va Italiya terma jamoasi yarimhimoyachisi Nikola Barellaning o'yinlarini diqqat bilan kuzatib bormoqda.

Bu haqda Britaniya matbuoti xabar beradi. Mersisaydliklar ayni paytda sifatli markaziy yarimhimoyachiga muhtoj.

Transfermarkt 24 yoshli Barellani 65 million evroga baholamoqda. O'tgan mavsumda futbolchi 46 uchrashuv o'tkazib, 3 gol urdi va 13 golga uzatma berdi.