"Liverpul" va "Arsenal" portugaliyalik futbolchi uchun kurashadi

"Liverpul" va "Arsenal" "Lill"ning portugaliyalik yarim himoyachisi Renatu Sanchesga qiziqish bildirmoqda, deb xabar beradi L'Equipe.

Manbaga ko'ra, Angliya klublari yozgi transferlar vaqtida futbolchini sotib olish variantini ko'rib chiqmoqda. Yarim himoyachi Evro-2020da yaxshi natija ko'rsatdi va top-klublarning e'tiborini tortdi. "Lill" futbolchisini sotishga tayyor, chunki klub moliyaviy muammolarni boshdan kechirmoqda.

O'tgan mavsum 23 yoshli Sanches "Lill" safida barcha musobaqalarda 29 o'yin o'tkazib, bitta gol urdi va to'rtta golli pas berdi. Uning klub bilan shartnomasi 2023-yilning yozigacha amal qiladi.