Shevchenko: "Qanday terma jamoaga qarshi o'ynayotganimizni bilamiz"

Ukraina milliy jamoasi bosh murabbiyi Andrey Shevchenko Evro-2020 1/4 finalidan o'rin olgan Angliyaga qarshi o'yin oldidan o'z fikrlarini bildirdi. 

«Angliya — Evrodagi eng yaxshi va barqaror jamoalardan biri. Haqiqatan ham ajoyib jamoani yig'gan Garet Sautgeytni ta'kidlab o'tmoqchiman. Angliya o'z tarixidagi eng yaxshi lahzalardan birini boshdan kechirmoqda. Bizni qiyin o'yin kutmoqda. 

Qaysi jamoa bilan o'ynayotganimizni tushunamiz, lekin kuchli tomonlarimiz haqida ham bilamiz. Ushbu turnirda allaqachon xarakterimizni namoyish etdik, ma'lum tamoyillarga amal qilishimizni ko'rsatdik. 

Yarmolenkoda hammasi joyida. Zubkov yakka tartibda shug'ullanmoqda. U Angliya bilan o'ynamaydi», — deya Shevchenkoning so'zlarini keltiradi UEFA matbuot xizmati. 

Ukraina — Angliya o'yini bugun, 3 iyul kuni bo'lib o'tadi. Bellashuv Toshkent vaqti bilan 00:00da boshlanadi.