"Tottenxem" etakchisi rahbariyatiga klubdan ketish istagi haqida xabar bergan

Mish-mishlar bo'yicha "Tottenxem" himoyachisi Tobi Alderveyreld "shporlar" rahbariyatiga yozda jamoani tark etmoqchi ekanligini aytgan.

32 yoshli belgiyalik "Tottenxem"ga 2015 yilda "Atletiko"dan kelib qo'shilgan. O'shandan beri u London klubi safida 236 o'yin o'tkazib, 9 ta gol va 5 ta golli uzatmani amalga oshirgan.

The Athletic nashri xabar berishicha, futbolchi allaqachon o'ziga yangi jamoa qidirmoqda. Uning "shporlar" bilan shartnomasi 2023 yilning yozigacha mo'ljallangan.

Qayd etilishicha, Alderveyreld uchun qulay jamoalardan biri, uning tug'ilgan shahri klubi "Antverpen" bo'lishi mumkin.