MYuga ko'chib o'tgan Sancho transferidan «shaharliklar»ga ham foyda tegadi

Dortmundning «Borussiya» klubi vingeri Jeydon Sancho faoliyatini «Manchester Yunayted»da davom ettiradi.

The Sun nashrining yozishicha, 2017 yilda Sanchoni «Borussiya»ga sotib yuborgan «Manchester Siti» futbolchining transferidan 15 foiz ulushini olish imkoniyatiga ega.

Oldinroq «Manchester Yunayted» Sancho uchun 85 million evro to'lashi haqida xabar berilgandi. Shunday qilib, «Siti» taxminan 12 million evroga yaqin foydaga ega chiqishi mumkin.

Ma'lumot uchun, Sancho - «shaharliklar» tarbiyalanuvchisi. U 2015 yildan 2017 yilgacha klub tarkibida bo'lgan.