Messi bilan yangi shartnoma imzolash nima uchun «osilib» turgani ma'lum bo'ldi

«Barselona» prezidenti Joan Laporta ertaga ertalab La liga prezidenti Xaver Tebas bilan uchrashadi. Unda tomonlar hujumchi Lionel Messining shartnomasini muhokama qilishadi.

Kataloniyaliklar Leo bilan 4 yillik shartnoma imzolashmoqchi. Unga ko'ra, Messi dastlabki 2 yil davomida "ko'k-anorranglilar" safida to'p tepadi, keyingi 2 yilni u klubning AQShdagi elchisi sifatida o'tkazadi. "Barsa"ning maoshlar uchun mo'ljallangan chegarasi me'yoridan oshib ketmasligi uchun klub futbolchining maoshini ikki yil davomida emas, bir necha yillar davomida bo'lib-bo'lib to'lab borishni rejalashtirmoqda.

Ammo Tebas bunday ishga keskin qarshilik qilmoqda. Shu bois, Messi bilan shartnomani uzaytirish masalasi "osilib" turibdi.