Jeko katta ehtimol bu yozda klubni tark etadi

Sport Mediaset xabariga ko'ra, hujumchi Edin Jeko yozgi transferlar vaqtida «Roma»ni tark etishi mumkin.

35 yoshli bosniyalik futbolchiga «Yuventus» va «Inter» klublari da'vogarlik qilishmoqda. Shuningdek, Turkiyadan «Beshiktosh» ham futbolchiga qiziqish bildirgani haqida xabarlar tarqaldi.

Xabar qilinishicha, «bo'rilar» Jekoni maqbul taklif tushadigan bo'lsa, qo'yib yuborishga tayyor. Futbolchining kelajagi borasidagi yakuniy qarorni «Roma» bosh murabbiyi Joze Mourino qabul qiladi.

O'tgan mavsumda Jeko A Seriyaning 27 uchrashuvida 7 ta gol va 3 ta golli pasni amalga oshirdi.