Laporta Superliga haqida: "Ular hali afsuslanishadi"

«Barcelona» prezidenti Joan Laporta Premer-liga klublarining Evropa Superligasi loyihasidan ishtirok etishdan butunlay voz kechish haqidagi qaroriga izoh berdi.

Oldinroq ma'lum bo'lishicha, Superliga asoschilari qatoriga kirgan Angliyaning oltita jamoasi loyiha tashabbuskori Florentino Peresdan ligani yopishni so'ragan.

«Biz qiyin ahvolda turibmiz. Transfer bozorida pul yo'q, nimadir o'zgarishi kerak.

Ingliz klublarining pozitsiyasiga kelsak, ular ertami-kechmi qaroridan afsuslanadi.

Tebasning tanqidi? U Superliga La Ligaga hech qanday ta'sir qilmasligini tushunishi kerak, «Barsa» har mavsumda chempion bo'lishni xohlaydi ", - dedi Laporta.