Infantino: «Futbolda muayyan qizil chiziq bor. Uni kesib o'tish mumkin emas»

FIFA prezidenti Janni Infantino yana Evropa Superligasi loyihasi mavzusini ko'tarib chiqdi.

«Biz bu borada o'z pozitsiyamizni aniq ifoda etdik. FIFA prezidenti sifatida men bu jarayonni tahlil qilishim kerak. Biz har doim futbol jozibasini himoya qilib kelganmiz.

Ayni paytda futbol olamida qanday muammolar borligi va ularni qanday hal qilishimiz mumkinligi haqida chuqur tahlil qilishimiz va maqsadlarni aniqlab olishimiz kerak.

Futbolda muayyan qizil chiziq bor. Bu chegara. Uni kesib o'tish mumkin emas», - deydi Infantino.

Eslatib o'tamiz, Superliga yaratilishida 12 ta klub qatnashgan edi va keyinchalik uchta klub - «Barselona», «Real» va «Yuventus» bu ligada qolishgan.